"त्या' सीमाशुल्क अधिकाऱ्यांच्या केबिन्स रिकाम्या

कार्यालयात सामसूम ः अन्य अधिकाऱ्यांनी तोंड लपविले

सकाळ वृत्तसेवा
मुंबई, ता. 27 ः नेहमी वर्दळ असलेले सीमाशुल्क विभागाच्या अंधेरीतील कार्यालयात आज सामसूम होती. कार्यालयात एकही अधिकारी नव्हता, होती ती एकमेव स्वीय सहायक आणि दोन कामगार. लोणावळ्यात एका बंगल्यात "सेक्‍स रॅकेट'प्रकरणी 22 अधिकाऱ्यांना अटक केल्याचे वृत्त येथे येताच येथील अधिकाऱ्यांनी काढता पाय घेतला. अटक केलेले सर्व अधिकारी याच कार्यालयातील असल्याचे सांगण्यात आले. त्यामुळे हे संपूर्ण कार्यालयच ओकेबोके दिसत होते.

लोणावळा शहर पोलिसांनी खंडाळ्याच्या ताज कॉटेज बंगल्यावर रात्री उशिरा हा छापा टाकला. सीमाशुल्क विभागातील 22 अधिकारी, त्यांचे सहा मित्र आणि 11 बारबाला असे 29 जण या बंगल्यात मद्यधुंद अवस्थेत पार्टी करताना आढळले. लॅपटॉपवर ब्ल्यू फिल्म पाहत बारबालांसह अश्‍लील नृत्य करणाऱ्या या अधिकाऱ्यांना लोणावळा शहर पोलिसांनी अटक केली. हे वृत्त येथे येताच अधिकाऱ्यांमध्ये चलबिचल सुरू झाली, तर आपल्या सहकाऱ्यांच्या अशा कृत्यामुळे अनेकांनी तोंड लपविणेच पसंत केले.

सीमाशुल्क विभागाच्या छत्रपती शिवाजी आंतरराष्ट्रीय विमानतळ परिमंडळाचे कार्यालय मरोळच्या मकवाना लेन येथील आवास कॉर्पोरेट पॉइंट इमारतीतील सहाव्या मजल्यावर आहे. या कार्यालयात आज सामसूमच होती. याच कार्यालयातील अधिकाऱ्यांना अटक झाल्याने येथील बहुसंख्य केबिन व टेबल रिकामेच होते. विमानतळ विभागाचे सीमाशुल्क आयुक्त तरुणकुमार गोविल यांच्यासह सर्वच वरिष्ठ अधिकारी कार्यालयात नव्हते, तर ते फोर्ट येथील कार्यालयात गेल्याची माहिती गोविल यांच्या स्वीय सहायकांनी "सकाळ'ला दिली.
या प्रकरणी फोर्टच्या न्यू कस्टम्स हाऊस येथील मुख्यालयात माहिती घेण्याचा प्रयत्न केला; मात्र तेथे यासंबंधीची माहिती अंधेरी कार्यालयातूनच मिळू शकेल, असे येथील अंमलबजावणी विभागातील एका अधिकाऱ्याने "सकाळ'ला दिली. सीमाशुल्क विभागाचे जनसंपर्क अधिकारीही गैरहजर असल्याचे येथील सुरक्षा रक्षकांनी सांगितले. एकूणच आज या खात्याच्या अधिकाऱ्यांनी पत्रकारांपासून दूरच राहणे पसंत केले.

मुंबईत घातपात घडविण्याचा ई-मेल खालसा कॉलेजातून

मुंबईत घातपात घडविण्याचा ई-मेल खालसा कॉलेजातून

एटीएसचा निष्कर्ष ः निवासी वसाहतीत कोम्बिंग ऑपरेशन

सकाळ वृत्तसेवा
मुंबई, ता. 24 ः अहमदाबाद बॉम्बस्फोटानंतर मुंबईत घातपात घडविण्याबाबतच्या धमकीचा ई-मेल माटुंग्याच्या खालसा महाविद्यालयातून पाठविल्याचे उघडकीस आले आहे. या मेलसंबंधी दहशतवादविरोधी पथकाच्या पोलिसांनी आज महाविद्यालयात चौकशी केली. या प्रकरणाचा तपास सुरू असून महाविद्यालयातील कॉम्प्युटर कोणी तरी हॅक करून हा मेल पाठविल्याची शक्‍यता दहशतवादविरोधी पथकाचे सहपोलिस आयुक्त हेमंत करकरे यांनी "सकाळ'शी बोलताना वर्तविली. दरम्यान, या प्रकारानंतर दहशतवादविरोधी पथकातील पोलिसांनी खालसा महाविद्यालयाशेजारी असलेल्या निवासी वसाहतीत आज कोम्बिंग ऑपरेशन केले.

अहमदाबाद बॉम्बस्फोट मालिकेनंतर मुंबईत घातपात घडविण्याची धमकी इंडियन मुजाहिदीन या संघटनेने दिली. "अल अरबी' ई-मेल ऍड्रेसवरून काल रात्री यासंबंधीचा ई-मेल काही वृत्तवाहिन्यांना पाठविण्यात आला. या ई-मेलमुळे पोलिस दलात खळबळ उडाली. पोलिसांनी तातडीने हा ई-मेल पाठविणाऱ्या कॉम्प्युटरचा शोध घेण्यास सुरवात केली. तपासाअंती हा ई-मेल खालसा महाविद्यालयाच्या कॉम्प्युटर लॅबमधून पाठविण्यात आल्याचे आयपी ऍड्रेसवरून स्पष्ट झाले. त्यानंतर पोलिस सकाळीच खालसा महाविद्यालयात चौकशीकरिता गेले. महाविद्यालयाच्या कॉम्प्युटर लॅबमध्ये असलेल्या वीस कॉम्प्युटरपैकी एका काम्प्युटरवरून हा मेल पाठविण्यात आला; मात्र याबाबत अद्याप प्राथमिक चौकशी सुरू आहे. हा ई-मेल महाविद्यालयातील कॉम्प्युटर हॅक करून पाठविला असावा, अशी शक्‍यता दहशतवादविरोधी पथकाचे सह-आयुक्त करकरे यांनी दिली. चौकशीनंतर आवश्‍यकता भासल्यास महाविद्यालयाच्या कॉम्प्युटर लॅबमधील कॉम्प्युटर फॉरेन्सिक लॅबमध्ये तपासाकरिता पाठविण्यात येतील, असेही करकरे यांनी सांगितले.
दरम्यान, खालसा महाविद्यालयातून पाठविण्यात आलेल्या या धमकीच्या मेलनंतर या परिसरातील निवासी वसाहतींत आज दिवसभर दहशतवादविरोधी पथकाच्या पोलिसांनी कोम्बिंग ऑपरेशन केले. 26 जुलैला अहमदाबाद येथे झालेल्या बॉम्बस्फोट मालिकेपूर्वी काही मिनिटे स्फोटांच्या धमकीचा ई- मेल सानपाड्याच्या गुनानी इमारतीत राहणाऱ्या केनेथ हेवूड या अमेरिकन नागरिकाच्या कॉम्प्युटरवरून पाठविण्यात आला होता. तपासात हेवूडचा कॉम्प्युटर हॅक करून तो पाठविण्यात आल्याचेही उघड झाले होते. सिमी आणि इंडियन मुजाहिदीन या दोन्ही संघटना वेगवेगळ्या आहेत. येत्या काही दिवसांत मुंबईतील प्रमुख ठिकाणी घातपाती स्फोट घडविले जातील, अशी धमकी देणारा असाच एक ई-मेल पंधरा दिवसांपूर्वी पंजाब येथून पाठविण्यात आला होता; मात्र तो बनावट असल्याचे तपासात स्पष्ट झाले. दरम्यान, बॉम्बस्फोटांच्या पार्श्‍वभूमीवर मुंबईत घातपाती कारवाया घडविण्याची धमकी देणारा हा पाचवा मेल असल्याची माहिती या पथकाचे अतिरिक्त पोलिस आयुक्त परमबीर सिंग यांनी पत्रकारांना दिली.

ज्ञानेश
सकाळ वृत्तसेवा
मुंबई,ता.19 ः अहमदाबाद बॉम्बस्फोट प्रकरणी पोलिसांना हवा असलेला प्रमुख गुन्हेगार तौकिर यानेच सानपाडा येथील अमेरिकन नागरीक केनेथ हेवूड याचा कॉम्प्युटर हॅक केल्याची शक्‍यता आहे.जयपुर, अहमदाबाद ,उत्तरप्रदेश व बंगळूरू येथे झालेल्या स्फोटांच्या धमकीचे ई-मेल पाठविले होते अशी माहिती दहशतवाद विरोधी पथकाच्या वरीष्ठ अधिकाऱ्यांनी दिली.
अहमदाबाद येथे 26 जुलै रोजी झालेल्या सिरियल बॉम्बस्फोटांचा ई- मेल सानपाड्याच्या गुनीना इमारतीत राहणाऱ्या केनेथ हेवूड यांच्या कॉम्प्युटरवरून पाठविण्यात आला होता.तपासाअंती हेवूडचा कॉम्प्युटर हॅक झाल्याचे स्पष्ट झाले. वाय फाय तंत्रज्ञानाचा वापर करणाऱ्या हेवूडचा कॉम्प्युटर तौकिर उर्फ अब्दुस सुभान कुरेशी यानेच हॅक केल्याची शक्‍यता आहे. सिमीचा सक्रीय सदस्य असलेला तौकिर मिरारोडच्या नयानगर येथील रहिवासी आहे. निष्णात संगणकतज्ञ असलेला तौकिर एम टेक करणाऱ्या कॉम्प्युटरपेक्षाही चांगला हॅकर आहे. देशभरात सिमीने घडविलेल्या बॉम्बस्फोटांचे मेलही त्यानेच पाठविले होते हे तपासात उघड होत असल्याची माहिती दहशतवाद विरोधी पथकाचे अतिरिक्त पोलिस आयुक्त परमबीर सिंग यांनी पत्रकारांना दिली. डोंगरीच्या अंजूमन इस्लाम शाळेत शिकलेल्या तौकिरने विप्रो,सिप्झ व फोर्ट येथे नोकरी केली आहे.2004 मध्ये सिमीच्या संपर्कात आल्यानंतर त्याने नोकरीचा राजीनामा दिला होता.त्यावेळी त्याने धार्मिक कार्यात पुर्णवेळ वाहून घेण्यासाठी राजीनामा देत असल्याचे म्हटले होते. अहमदाबाद स्फोटांप्रकरणातील महत्वाचा आरोपी असलेल्या तौकिरचा पोलिस कसून शोध घेत आहेत. दहशतवाद विरोधी पथकाच्या अधिकाऱ्यांनी मिरारोड येथे राहणाऱ्या त्याच्या कुटूंबीयांची चौकशी केली, तेंव्हा गेल्या आठ वर्षांपासून त्याचा कसलाच संपर्क नसल्याचे त्याच्या कुटूंबीयांचे म्हणणे असल्याचे पोलिसांनी सांगितले. मात्र तौकिरला अडीच वर्षांची मुलगी असल्याने त्याची घरी येजा असावी अशी शक्‍यता पोलिसांनी वर्तविली आहे.
--------------------

तर हेवूडला मुंबईत आणणार ...

अहमदाबाद स्फोटांचा ई- मेल पाठविल्याप्रकरणी संशयित असलेल्या केनेथ हेवूड याने दहशतवाद विरोधी पथकाच्या पोलिसांना कोणतीही सूचना न देता अमेरिकेला केलेल्या पलायनामुळे त्याच्यावर घातलेल्या निर्बंधाचे उल्लंघन झाले आहे.त्याच्या लाय डिटेक्‍टर व ब्रेन मॅपिंग चाचण्यांचे अहवाल निरंक आल्याने तो पोलिसांना नको असला तरी घातलेल्या अटींचा भंग केल्याप्रकरणी त्याच्यावर कारवाई करण्यात येईल .वेळ प्रसंगी त्याला मुंबईतही आणण्यात येईल अशी माहिती दहशतवाद विरोधी पथकाचे अतिरिक्त आयुक्त परमबीर सिंग यांनी यावेळी पत्रकारांशी बोलताना दिली.

ज्ञानेश
सकाळ वृत्तसेवा
ंमुंबई,ता.18 ः अहमदाबाद बॉम्बस्फोटांचा ई- मेल पाठविल्याचा ठपका असलेला केनेथ हेवूड आज पहाटेच्या विमानाने दिल्ली येथून अमेरिकेला पळून गेल्याने पोलिस दलात एकच खळबळ उडाली आहे.यानंतर मात्र हेवूडला फॉरेन्सिक सायन्स लॅबने क्‍लिनचिट दिल्याने तो पोलिसांना आवश्‍यक नसल्याचे दहशतवाद विरोधी पथकाचे सह आयुक्त हेमंत करकरे यांनी दिली.
अहमदाबाद येथे 26 जुलै रोजी झालेल्या बॉम्बस्फोट मालिकेच्या काही मिनिटांपुर्वी या स्फोटांची धमकी देणारा ई-मेल सानपाडा येथील गुनानी सोसायटीत राहणारा अमेरिकन नागरीक केनेथ हेवूड याच्या कॉम्प्युटरवरून गेल्याचे स्पष्ट झाले होते.या स्फोटाकरीता वापरलेल्या गाड्या देखील नवी मुंबईतूनच चोरीला गेल्या होत्या तयामुळे दहशतवाद विरोधी पथकासह देशभरातील सुरक्षा एजन्सीचे लक्ष नवी मुंबईकडे लागले होते.धमकीचा ई-मेल हेवूडच्या कॉम्प्युटरवरून पाठविल्याचे उघडकीस आल्यानंतर पोलिसांनी त्याची चौकशी करायला सुरवात केली होती. त्याच्यासह या इमारतीतील अन्य दहा कॉम्प्युटर तपासणीकरीता फॉरेन्सिक सायन्स लॅबला पाठविले होते. चौकशी पुर्ण होत नाही तोपर्यंत हेवूडला देश सोडण्यास दहशतवाद विरोधी पथकाने मनाई केली होती. मात्र आज पहाटे दोन वाजण्याच्या सुमारास तो त्याच्या पत्नीसह अमेरिकेला निघून गेला. गेल्या तीन दिवसांपासून तो त्याच्या गुनानी इमारतीत आला नव्हता अशी माहिती या इमारतीच्या सुरक्षा रक्षकांनी दिली.
दहशतवाद विरोधी पथकातील अधिकाऱ्यांवर हेवूडने पैसे मागितल्याचा आरोप केला होता.त्यानंतर त्याची पुन्हा चौकशी करण्यात येणार होती.चौकशीसाठी सोमवारी येऊ असे त्याने सांगितले होते.मात्र त्यापूर्वीच तो निघून गेल्याने पोलिस दलात खळबळ माजली आहे.हेवूडसह तो रहात असलेल्या गुनीना इमारतीतील बारा जणांची पॉलिग्राफी व ब्रेन मॅपिंग तपासणी करण्यात येत आहे.गुजरात पोलिसांनीही हेवूडची चौकशी केली होती.
कलिनाच्या फॉरेन्सिक सायन्स लॅबने दिलेल्या अहवालावरून त्याच्या कॉप्युटरमध्ये आक्षेपार्ह असे काहीच आढळलेले नाही.याचबरोबर आज सायंकाळी त्याच्या ब्रेन मॅपिंग आणि लायडिटेक्‍टर चाचणीचा अहवालही निरंक आल्याची माहिती दहशतवाद विरोधी पथकाचे प्रमुख हेमंत करकरे यांनी दिली.त्याला क्‍लिन चिट असल्याने त्याचा पासपोर्टही पोलिसांनी काढून घेतला नव्हता

ज्ञानेश
सकाळ वृत्तसेवा
ंमुंबई,ता.18 ः अहमदाबाद बॉम्बस्फोटांचा ई- मेल पाठविल्याचा ठपका असलेला केनेथ हेवूड आज पहाटेच्या विमानाने दिल्ली येथून अमेरिकेला पळून गेल्याने पोलिस दलात एकच खळबळ उडाली आहे.यानंतर मात्र हेवूडला फॉरेन्सिक सायन्स लॅबने क्‍लिनचिट दिल्याने तो पोलिसांना आवश्‍यक नसल्याचे दहशतवाद विरोधी पथकाचे सह आयुक्त हेमंत करकरे यांनी दिली.
अहमदाबाद येथे 26 जुलै रोजी झालेल्या बॉम्बस्फोट मालिकेच्या काही मिनिटांपुर्वी या स्फोटांची धमकी देणारा ई-मेल सानपाडा येथील गुनानी सोसायटीत राहणारा अमेरिकन नागरीक केनेथ हेवूड याच्या कॉम्प्युटरवरून गेल्याचे स्पष्ट झाले होते.या स्फोटाकरीता वापरलेल्या गाड्या देखील नवी मुंबईतूनच चोरीला गेल्या होत्या तयामुळे दहशतवाद विरोधी पथकासह देशभरातील सुरक्षा एजन्सीचे लक्ष नवी मुंबईकडे लागले होते.धमकीचा ई-मेल हेवूडच्या कॉम्प्युटरवरून पाठविल्याचे उघडकीस आल्यानंतर पोलिसांनी त्याची चौकशी करायला सुरवात केली होती. त्याच्यासह या इमारतीतील अन्य दहा कॉम्प्युटर तपासणीकरीता फॉरेन्सिक सायन्स लॅबला पाठविले होते. चौकशी पुर्ण होत नाही तोपर्यंत हेवूडला देश सोडण्यास दहशतवाद विरोधी पथकाने मनाई केली होती. मात्र आज पहाटे दोन वाजण्याच्या सुमारास तो त्याच्या पत्नीसह अमेरिकेला निघून गेला. गेल्या तीन दिवसांपासून तो त्याच्या गुनानी इमारतीत आला नव्हता अशी माहिती या इमारतीच्या सुरक्षा रक्षकांनी दिली.
दहशतवाद विरोधी पथकातील अधिकाऱ्यांवर हेवूडने पैसे मागितल्याचा आरोप केला होता.त्यानंतर त्याची पुन्हा चौकशी करण्यात येणार होती.चौकशीसाठी सोमवारी येऊ असे त्याने सांगितले होते.मात्र त्यापूर्वीच तो निघून गेल्याने पोलिस दलात खळबळ माजली आहे.हेवूडसह तो रहात असलेल्या गुनीना इमारतीतील बारा जणांची पॉलिग्राफी व ब्रेन मॅपिंग तपासणी करण्यात येत आहे.गुजरात पोलिसांनीही हेवूडची चौकशी केली होती.
कलिनाच्या फॉरेन्सिक सायन्स लॅबने दिलेल्या अहवालावरून त्याच्या कॉप्युटरमध्ये आक्षेपार्ह असे काहीच आढळलेले नाही.याचबरोबर आज सायंकाळी त्याच्या ब्रेन मॅपिंग आणि लायडिटेक्‍टर चाचणीचा अहवालही निरंक आल्याची माहिती दहशतवाद विरोधी पथकाचे प्रमुख हेमंत करकरे यांनी दिली.त्याला क्‍लिन चिट असल्याने त्याचा पासपोर्टही पोलिसांनी काढून घेतला नव्हता

समिशी संबंधित इम्तियाज शेखला अटक
एटीएस ः अहमदाबाद बॉम्बस्फोटांबाबात चौकशी
सकाळ वृत्तसेवा
मुंबई, ता. 18 ः ठाणे ग्रामीण पोलिसांनी माणिकपूर येथून सिमी संघटनेशी घनिष्ठ संबंध असलेल्या इम्तियाज बाबामिया शेख (30) या पुण्यातील युवकाला अटक केली. दरोड्याच्या प्रयत्नात अटक केलेल्या या आरोपीचा अहमदाबाद बॉम्बस्फोटांशी संबंध आहे का याची चौकशी सुरू असल्याची माहिती दहशतवाद विरोधी पथकाचे प्रमुख हेमंत करकरे यांनी दिली. बनावट नोटा बाळगल्याप्रकरणी पुण्यात दहशतवाद विरोधी पथकाने अटक केलेल्या अन्य दोघांचेही सिमीशी संबंध स्पष्ट झाल्याने या शहरात अतिरेकी संघटनांचे स्लिपर सेल कार्यरत असण्याची शक्‍यताही करकरे यांनी वर्तविली आहे.
अहमदाबाद येथे झालेल्या बॉम्बस्फोट प्रकरणाचा गुजरात पोलिसांनी नुकताच छडा लावला. या प्रकरणाचा तपास करणाऱ्या दहशतवाद विरोधी पथकाने पुण्यातून नदीम खान आणि फैय्याज शेख यांना बनावट नोटा बाळगल्याप्रकरणी शनिवारी अटक केली. हे दोघेही सिमीचे सक्रिय कार्यकर्ते असल्याचे स्पष्ट झाले असतानाच ठाणे ग्रामीण पोलिसांनी माणिकपूर येथून इम्तियाज बाबामिया शेख (30) याला अटक केली. पुण्याच्या धीमपुरा येथील लष्कर कॅम्पमध्ये राहणाऱ्या इम्तियाजचा मटण विक्रीचा व्यवसाय आहे. त्याचे सिमी संघटनेशी घनिष्ठ संबंध आहेत. ठाणे ग्रामीण पोलिसांनी त्याला दरोड्याच्या तयारीत असताना अटक केली. दहशतवाद विरोधी पथक लवकरच त्याची कस्टडी घेणार आहे. अहमदाबाद येथे तपासासाठी गेलेल्या पोलिसांच्या तुकडीला या तिघांची माहिती देण्यात आली. तेथे अटकेत असलेल्या आरोपींच्या चौकशीत मिळालेल्या माहितीवरून मुंबईत अटकेत असलेल्या या आरोपींचा अहमदाबाद स्फोटांशी संबंध आहे का हे पाहता येणार आहे. गुन्हे शाखेच्या पोलिसांनी खंडणीप्रकरणी अटक केलेल्या बिलाल कागजी याचे फैय्याज आणि नदीम याच्याशी संबंध असल्याचेही उघड झाले आहे.
या कटाचा सूत्रधार अबू बशीर याच्यासह दहा जणांना गुजरात पोलिसांनी नुकतीच अटक केली. अटक केलेल्या आरोपींमध्ये तिघांची माहिती राज्य दहशतवाद विरोधी पथकाने दिली होती. मध्य प्रदेश येथून अटक केलेला "सिमी'चा सरचिटणीस सफदर नागोरी याच्या नार्को तपासणीत आलेल्या पंचवीस जणांची यादी गुजरात पोलिसांना दिली होती. त्यातील तिघांना या स्फोटांप्रकरणी अटक झाली असून अन्य संशयितांचा तपास सुरू आहे.

---------------
चौकट
---------
अहमदाबाद स्फोटांप्रकरणी दहशतवाद विरोधी पथकाने आतापर्यंत पंधराशेहून अधिक संशयितांची चौकशी केली. त्यात अभियंते, शिक्षक, डॉक्‍टर, व्यावसायिक यांच्यासारख्या उच्चविद्याविभूषितांचा समावेश आहे. आतापर्यंत केलेल्या चौकशीत पाच जण डॉक्‍टर; तर बाराहून अधिक अभियंते तसेच संगणकतज्ज्ञ असल्याचे उघडकीस आल्याची माहिती या पथकाचे प्रमुख हेमंत करकरे यांनी या वेळी दिली. अठरा वर्षांत पोलिसांनी 579 दहशतवाद्यांना अटक केल्याचेही त्यांनी सांगितले.

समिशी संबंधित इम्तियाज शेखला अटक
एटीएस ः अहमदाबाद बॉम्बस्फोटांबाबात चौकशी
सकाळ वृत्तसेवा
मुंबई, ता. 18 ः ठाणे ग्रामीण पोलिसांनी माणिकपूर येथून सिमी संघटनेशी घनिष्ठ संबंध असलेल्या इम्तियाज बाबामिया शेख (30) या पुण्यातील युवकाला अटक केली. दरोड्याच्या प्रयत्नात अटक केलेल्या या आरोपीचा अहमदाबाद बॉम्बस्फोटांशी संबंध आहे का याची चौकशी सुरू असल्याची माहिती दहशतवाद विरोधी पथकाचे प्रमुख हेमंत करकरे यांनी दिली. बनावट नोटा बाळगल्याप्रकरणी पुण्यात दहशतवाद विरोधी पथकाने अटक केलेल्या अन्य दोघांचेही सिमीशी संबंध स्पष्ट झाल्याने या शहरात अतिरेकी संघटनांचे स्लिपर सेल कार्यरत असण्याची शक्‍यताही करकरे यांनी वर्तविली आहे.
अहमदाबाद येथे झालेल्या बॉम्बस्फोट प्रकरणाचा गुजरात पोलिसांनी नुकताच छडा लावला. या प्रकरणाचा तपास करणाऱ्या दहशतवाद विरोधी पथकाने पुण्यातून नदीम खान आणि फैय्याज शेख यांना बनावट नोटा बाळगल्याप्रकरणी शनिवारी अटक केली. हे दोघेही सिमीचे सक्रिय कार्यकर्ते असल्याचे स्पष्ट झाले असतानाच ठाणे ग्रामीण पोलिसांनी माणिकपूर येथून इम्तियाज बाबामिया शेख (30) याला अटक केली. पुण्याच्या धीमपुरा येथील लष्कर कॅम्पमध्ये राहणाऱ्या इम्तियाजचा मटण विक्रीचा व्यवसाय आहे. त्याचे सिमी संघटनेशी घनिष्ठ संबंध आहेत. ठाणे ग्रामीण पोलिसांनी त्याला दरोड्याच्या तयारीत असताना अटक केली. दहशतवाद विरोधी पथक लवकरच त्याची कस्टडी घेणार आहे. अहमदाबाद येथे तपासासाठी गेलेल्या पोलिसांच्या तुकडीला या तिघांची माहिती देण्यात आली. तेथे अटकेत असलेल्या आरोपींच्या चौकशीत मिळालेल्या माहितीवरून मुंबईत अटकेत असलेल्या या आरोपींचा अहमदाबाद स्फोटांशी संबंध आहे का हे पाहता येणार आहे. गुन्हे शाखेच्या पोलिसांनी खंडणीप्रकरणी अटक केलेल्या बिलाल कागजी याचे फैय्याज आणि नदीम याच्याशी संबंध असल्याचेही उघड झाले आहे.
या कटाचा सूत्रधार अबू बशीर याच्यासह दहा जणांना गुजरात पोलिसांनी नुकतीच अटक केली. अटक केलेल्या आरोपींमध्ये तिघांची माहिती राज्य दहशतवाद विरोधी पथकाने दिली होती. मध्य प्रदेश येथून अटक केलेला "सिमी'चा सरचिटणीस सफदर नागोरी याच्या नार्को तपासणीत आलेल्या पंचवीस जणांची यादी गुजरात पोलिसांना दिली होती. त्यातील तिघांना या स्फोटांप्रकरणी अटक झाली असून अन्य संशयितांचा तपास सुरू आहे.

---------------
चौकट
---------
अहमदाबाद स्फोटांप्रकरणी दहशतवाद विरोधी पथकाने आतापर्यंत पंधराशेहून अधिक संशयितांची चौकशी केली. त्यात अभियंते, शिक्षक, डॉक्‍टर, व्यावसायिक यांच्यासारख्या उच्चविद्याविभूषितांचा समावेश आहे. आतापर्यंत केलेल्या चौकशीत पाच जण डॉक्‍टर; तर बाराहून अधिक अभियंते तसेच संगणकतज्ज्ञ असल्याचे उघडकीस आल्याची माहिती या पथकाचे प्रमुख हेमंत करकरे यांनी या वेळी दिली. अठरा वर्षांत पोलिसांनी 579 दहशतवाद्यांना अटक केल्याचेही त्यांनी सांगितले.