अतिरेक्‍यांच्या चौकशीसाठी अन्य राज्यांची पथके मुंबईत

राकेश मारिया ः बॉम्बस्फोटांपूर्वी ई-मेल पाठविण्याची कल्पना रोशनची
झाली आहेत. यात दिल्ली, उत्तर प्रदेश, कर्नाटक, गुजरात पोलिसांच्या पथकांचा समावेश असल्याची माहिती गुन्हे शाखेचे सहपोलिस
सकाळ वृत्तसेवा
मुंबई, ता. 26 ः गेल्या तीन वर्षांत देशभरात झालेल्या बॉम्बस्फोटांत सहभाग असलेल्या इंडियन मुजाहिदीनच्या पाच अतिरेक्‍यांच्या चौकशीसाठी केंद्रीय गुप्तचर विभागासह यापूर्वी बॉम्बस्फोट झालेल्या राज्यांची पोलिस पथके मुंबईत दाखल आयुक्त राकेश मारिया यांनी दिली. बॉम्बस्फोट घडविण्यापूर्वी त्यांच्या धमकीचे ई-मेल पाठविण्याची क्‍लृप्ती इंडियन मुजाहिदीनचा थिंकटॅंक असलेल्या रोशन खान ऊर्फ रियाज भटकळ याची होती. जयपूर, अहमदाबाद व दिल्ली स्फोटांचे ई-मेल पाठविण्याची जबाबदारी त्याचीच होती. चौकशीनंतर या अतिरेक्‍यांना राज्य दहशतवादविरोधी पथकाकडे सोपविण्यात येईल, अशी माहिती मारिया यांनी दिली.

फेब्रुवारी 2005 मध्ये वाराणसी येथे झालेल्या बॉम्बस्फोट मालिकांपासून 13 सप्टेंबरला दिल्लीत झालेल्या सर्व बॉम्बस्फोट मालिकांना जबाबदार असलेल्या अफजल उस्मानी, मोहम्मद सादीक शेख, मोहम्मद आरीफ शेख , मोहम्मद जाकीर शेख आणि मोहम्मद अन्सार शेख या पाच अतिरेक्‍यांची गुन्हे शाखेचे पोलिस कसून चौकशी करीत आहेत. त्यांनी चौकशीत दिलेल्या माहितीनुसार जयपूर बॉम्बस्फोटांच्या काही दिवस आधी "सिमी'पासून वेगळे होऊन इंडियन मुजाहिदीन संघटनेची स्थापना करण्यात आली. देशभरात घडवीत असलेल्या स्फोटांची जबाबदारी घेण्यासाठी अतिरेक्‍यांनी या नावाने ई-मेल करायला सुरवात केली. ईमेल करून धमक्‍या देणे, चोरीच्या गाड्या मिळवणे व कट आखण्याचे काम रियाज भटकळकडे सोपविण्यात आले होते. या अतिरेक्‍यांकडून देशभरात घातपात करवून घेणारा आमीर रझा पाकिस्तानात असून रियाजच्या माध्यमातून तो या अतिरेक्‍यांवर नियंत्रण ठेवतो. आमीरचा लहान भाऊ आसिफ राजकोट येथे पोलिसांसोबत झालेल्या चकमकीत मारला गेला होता.
सुरतमध्ये भंगाराचा व्यवसाय करणाऱ्या मोहम्मद जाकिरकडून तेथील बॉम्बस्फोटांची माहिती पोलिसांना मिळत आहे. 26 जुलैला अहमदाबादमध्ये स्फोटकांनी भरलेल्या गाड्या ठेवल्यानंतर राजधानी एक्‍स्प्रेसने दिल्लीला निघालेल्या अफजल उस्मानीसोबत आठ जण होते. त्यातील काही निझामुद्दीन येथे; तर काही दिल्लीत उतरले होते. देशभरात अकरा बॉम्बस्फोट घडविणाऱ्या या अतिरेक्‍यांनी स्फोट घडविण्यासाठी प्रेशर कुकर, ब्रीफकेस, पेट्या, सायकल व पुढे गाड्यांचा वापर केला. दिल्लीची जामा मशीद, हैदराबाद येथील मशीद, मालेगाव येथील मुस्लिमांच्या धार्मिक स्थळांवर झालेल्या घातपाती कारवायांत या संघटनेच्या अतिरेक्‍यांचा सहभाग नसल्याचे मारिया यांनी या वेळी स्पष्ट केले.
---------------------------
(चौकट)

पोलिसांची दिशाभूल
देशात घातपाती कारवाया करण्यासाठी पाकिस्तान व बांगलादेशात प्रशिक्षणासाठी जाणाऱ्या अतिरेक्‍यांना देण्यात येणाऱ्या प्रशिक्षणातील सर्वात महत्त्वाचा भाग म्हणून पोलिसांची तपासात दिशाभूल करणे असा आहे. पोलिसांच्या चौकशीची पद्धत व त्यांच्या तंत्रांचे या अतिरेक्‍यांना प्रशिक्षण दिले जाते. तपास सुरू असताना पोलिसांना खोटी माहिती देऊन तपासात त्यांना मुख्य तपासापासून भरकटवून टाकण्याची युक्ती शिकविली जाते. त्यामुळे न्यायालयाने दिलेल्या वेळेत या आरोपींची चौकशी पूर्ण होत नसल्याची माहिती मारिया यांनी "सकाळ'ला दिली.
.....