अनिल धीरूभाई अंबानी समूहाचे अध्यक्ष अनिल अंबानी यांच्या हेलिकॉप्टरच्या इंधनटाकीत दगड व मुरूम सापडल्यानंतर या प्रकरणाचा तपास करणाऱ्या गुन्हे शाखेचे पोलिस अनिल अंबानी यांचाही जबाब नोंदविणार आहेत. हेलिकॉप्टरच्या इंधनटाकीत मुरूम व दगड आढळल्याने अंबानी यांना घातपात घडविण्याच्या कटाची शक्‍यता वर्तविण्यात आली होती.
सहार विमानतळावर उभ्या असलेल्या अनिल अंबानी यांच्या हेलिकॉप्टरच्या इंधनटाकीत अनोळखी व्यक्तींनी दगड व मुरूम टाकल्याचा प्रकार 23 एप्रिलला उघडकीस आला. यातून अंबानी यांचा घात करण्याची शक्‍यता नाकारता येत नसल्याने त्यांचे पायलट आर. एन. जोशी यांनी मुख्यमंत्री अशोक चव्हाण आणि मुंबईचे पोलिस आयुक्त हसन गफूर यांच्याकडे एका पत्राद्वारे या प्रकरणाच्या सखोल चौकशीची मागणी केली होती. त्यानुसार हे प्रकरण गुन्हे शाखेकडे वर्ग करण्यात आले आहे. या प्रकरणात आतापर्यंत एअरवर्क्‍स इंडिया इंजिनियरिंग कंपनीच्या चार कर्मचाऱ्यांची चौकशी करण्यात आली आहे. यापुढे उद्योगपती अंबानी यांचाही जबाब पोलिस नोंदविणार असल्याचे गुन्हे शाखेच्या पोलिसांनी "पीटीआय'शी बोलताना सांगितले.
(sakal,26th april)
No comments:
Post a Comment